Sikop sa mga kapulisan ang Top 1 Regional Most Wanted Person atol sa pagserbisyo sa warrant of arrest sa Purok 5, Barangay Poblacion, Impasug-ong, Bukidnon pasado alas-6:20 sa gabii niadtong Agosto 3.
Ang nadakpan giila lamang sa alyas nga “Marvin,” 41 anyos, minyo, laborer ug residente sa maong lungsod.
Nadakpan kini sa joint operation sa Tracker Team sa Impasug-ong MPS, kauban ang Bukidnon PIU, 1st Bukidnon PMFC, Bukidnon Provincial Intelligence Team ug Regional Intelligence Unit 10.
Nag-atubang kini og kasong Qualified Rape (5 counts) ug duha ka kaso sa Acts of Lasciviousness ubos sa Revised Penal Code, kalabot sa Section 5(b) sa Republic Act 7610, nga gi-amendar sa Republic Act 11648.
Samtang walay girekomendang piyansa aalang sa temporaryong kagawasan niini.