Janine Gutierrez, gipaambit ang tinguha nga makasulod sa international films

Naghandum ang aktres nga si Janine Gutierrez nga makasulod sa international films ug mahimong producer sa umaabot.

Matud ni Janine, wala kini partikular nga dream role, apan buot niyang makatrabaho ang mga direktor nga iyang gidayeg sama nila Erik Matti ug Jerrold Tarog.

Gipadayag usab sa aktres nga gusto niya mahimong kabahin sa mga pelikulang Pinoy nga mapasalida sa international film festivals ug global streaming platforms.

Gawas sa pag-arte, plano usab ni Janine nga mosulod sa produksyon, diin usa sa iyang unang proyekto ang documentary bahin sa iyang apohan nga si Pilita Corrales.