Gilas Pilipinas hingpit ang pagpangandam alang sa FIBA WC 2nd round

Mag-atubang ang Gilas Pilipinas og duha ka dagkong hagit sa umaabot nga mga bulan, una ang second round sa FIBA World Cup 2027 Asian Qualifiers ug ang Asian Games sa Nagoya, Japan sa Septyembre.

Importante alang kang Head Coach Tim Cone ang maayong pagpangandam sa team, ilabi na sa pagkawala ni Kai Sotto nga dako og ikatampo sa opensa ug depensa.

Apan aduna matud pay mga players nga andam mopuli, lakip sila Kevin Quiambao ug Carl Tamayo nga nakahatag og maayong performance sa miaging mga dula.

Kahinumduman nga nakapuntos si Quiambao og 23 samtang 17 puntos usab  ang natala ni Tamayo batok sa New Zealand, hinungdan nga nakadawat sila og pagdayeg gikan kang Coach Tim Cone.