Masinati na karong adlaw sa mga motorista ang pagkunhod sa presyo sa mga produktong petrolyo.
Sumala sa Department of Energy kon DOE, mokunhod og P4.70 matag litro ang presyo sa tanang klase sa gasolina, lakip ang RON 91 o regular unleaded, RON 95 o premium unleaded, ug RON 97 o high-octane unleaded.
Mokunhod usab og P4.30 matag litro ang presyo sa diesel, lakip ang Diesel Plus, samtang P4.88 matag litro usab ang ikunhod sa presyo sa kerosene.
Matud sa DOE, ang maong pag-adjust sa presyo resulta sa mga lihok sa global oil market, ilabina sa nagpadayong mga kalamboan sa Middle East nga nakaapekto sa global supply ug presyo sa petrolyo.
Dugang sa ahensya, nagpadayon ang gobyerno sa paghimo og mga lakang aron masiguro ang igo nga suplay sa lana sa nasud ug mapanalipdan ang kaayohan sa mga konsumidor.