Mihakot sa daghan nga reaksiyon sa social media ang pag-flex ni Andrew E, ang iconic nga rapper-songwriter, sa usa ka luxury car nga nagkantidad og milyones ka pesos.
Daghang netizen ang napa-“sana all” pagkakita sa 2025 Tesla Cybertruck nga gi-post ni Andrew E sa iyang Facebook account, nga pareho sa sakyanan sa Elon Musk, usa sa mga labing adunahan nga tawo sa kalibutan.
Base sa iyang post, kuha ang litrato sa Los Angeles, California ug adunay caption nga ibalik niini ang sakyanan ni Ellon Musk human sa duha ka semana.
Sumala sa mga netizen, ang presyo sa maong sakyanan mukabat sa $60,990 hangtod $102,235, nga gibana-banang og P13.4 milyon ang kantidad.
Wala usab naghisgot si Andrew E kung gipanag-iyahan niya kini nga sakyanan o basin nagpa-picture lang kini.
Apan daghan ang nagkomento nga basin gikan daw sa kinita niya sa campaign sorties gikan pa sa 2022 presidential elections hangtod sa 2025 midterm elections ang iyang gigamit sa pagpalit sa Cybertruck.
Aduna usab uban nga netizen nga mi-depensa ni Andrew E, nga wala kini gitamakan nga tao ug katungod niini nga palipayun ang kaugalingon gamit ang iyang pinanghagoan sa trabaho.
Bisan pa man sa kontrobersiya, anaa ang suporta sa iyang fans ug naangkon niini ang respeto tungod sa iyang paningkamot.