Patay sa magnitude 7.4 nga linog sa Colombia, misaka na sa kapin 80 ka indibidwal

Labing menos 82 ka tawo ang gitaho nga namatay human sa linog nga may gikusgon nga 7.4 nga miigo sa Kasadpang Colombia, nga nabati usab sa silingang mga nasod sa Latin America.

Ang pinakataas nga ihap sa mga namatay natala sa kasadpang probinsya sa Risaralda nga adunay kapin sa 40 ka namatay.

Gawas sa mga patay, wala pa mahibal-i kung pila ka tawo ang nasamdan ug nawala human nahugno ang daghang mga istruktura.

Sumala sa US Geological Survey, ang sentro sa linog nahimutang sa San Jose Del Palmar sa rehiyon sa Choco diin nagpuyo ang 4,800 ka tawo.

Kini nahimutang 400 kilometros sa kasadpan sa Bogota, ang kapital sa nasud.