Giinsistir ni Prosecution Legal Spokesperson Atty. Benjamin Tolosa nga dili igo nga rason ang kakulang sa oras o availability sa mga abogado sa depensa aron ipalangay ang pagtandi sa mga dokumentong gamiton sa impeachment trial ni Vice President Sara Duterte.
Sumala ni Tolosa, dili kinahanglan nga tibuok defense team ang moapil sa maong proseso.
Ang importante, matuman ang direktiba sa presiding officer nga itandi daan ang mga dokumento sa dili pa ang gikatakdang pagdungog.
Tumong niini nga mapadali ang pagdungog pinaagi sa pagtandi sa mga liquidation report ug uban pang common exhibits nga gigamit sa duha ka kampo.
Matud pa ni Tolosa, ang maong lakang makatabang usab aron malikayan ang dugay nga proseso sa pag-authenticate sa mga dokumento atol mismo sa impeachment trial.