Nakigtagbo ug nakigsandurot ang sikat nga P-pop group nga SB19 sa pipila ka bantogang international artists backstage human sa ilang makasaysayanong pagpasundayag sa prestihiyosong Lollapalooza Music Festival didto sa Chicago, USA.
Pinaagi sa mga gipagawas nga litrato ug updates sa social media, gipakita ang pakig-uban sa mga miyembro—sila si Pablo, Josh, Stell, Ken, ug Justin—sa nagkadaiyang global musicians human nila gipasundayag ang ilang mga hit songs ug madasigong choreography.
Giisip kining maong kalampusan nga usa ka dako ug makasaysayanong lakang alang sa OPM ug P-pop industry, tungod kay ang SB19 usa sa mga unang Filipino acts nga nakatungtong ug nagbayaw sa bandila sa nasod sa entablado sa usa sa pinakadakong music festival sa tibuok kalibutan.