Nagpasalig ang Prime Minister sa Thailand nga si Anutin Charnvirakul nga magpatuman og mas hugot nga regulasyon sa paghupot ug pagdala og armas sa publiko, human sa nahitabong mass shooting sa usa ka tunghaan sa Nonthaburi nga nikalas og labing menos walo ka kinabuhi.
Sa iyang opisyal nga pamahayag, gitin-aw sa Prime Minister nga ubos sa bag-ong patakaran, ang mga awtorisadong opisyal sa panggamhanan nga anaa sa opisyal nga duty na lamang ang tugotan nga makadala og armas sa mga publikong dapit aron mapakgang ang pag-ulit sa maong trahedya.
Ang maong lakang gipagawas human gipamusil sa usa ka batan-ong suspek ang iyang pamilya ug pipila ka tawo sa tunghaan sa wala pa kini nagpakamatay. Nagpabilin ang Thailand nga usa sa mga nasod sa Southeast Asia nga adunay pinakadaghang armas—rehistrado man o iligal—sa kamot sa mga sibilyan.