Gipasalig ni Tingog Party-list Rep. Jude Acidre nga magpadayon ang House of Representatives sa pagpalig-on sa mga reporma sa sektor sa edukasyon isip suporta sa mga prayoridad sa administrasyon ni Presidente Ferdinand “Bongbong” Marcos Jr.
Matud ni Acidre, positibo ang paghatag og dakong pagtagad sa Presidente sa edukasyon atol sa iyang State of the Nation Address (SONA), tungod kay nahiuyon usab kini sa direksyon nga gisubay sa liderato sa Kamara.
Dugang pa niini, magpadayon ang Kamara sa pag-aprubar og igo nga pondo alang sa edukasyon matag tuig ug sa pagpatuman sa mga reporma aron mapauswag ang kalidad sa edukasyon ug madugangan ang suporta sa mga estudyante ug state universities and colleges (SUCs).
Giphayag usab sa chairman sa House Committee on Higher and Technical Education, giingon ni Acidre nga ipadayon usab sa komite ang mga reporma nga gisugdan ubos sa EDCOM 2.