2 patay ug 4 angol sa mass shooting sa food festival sa Seattle

Duha ka tawo ang confirmed nga patay samtang upat ang naangol, lakip ang usa ka 2-anyos nga bata, human sa nahitabong mass shooting duol sa sikat nga Space Needle landmark sa Seattle, Estados Unidos.

Nahitabo ang pagpamusil taliwala sa nagpadayong “Bite of Seattle” food festival sa Seattle Center nga gidagsang sa liboan ka tawo, diin nagdalag dakong kagubot ug pagdaganay sa mga residente aron makatago.

Gipahayag ni Seattle Mayor Katie Wilson nga nadakpan na sa kapolisan ang usa ka suspek, samtang padayon ang imbestigasyon kon duna ba kini laing kauban sa maong krimen.

Sa kasamtangan, dali nga gipangdala sa Harborview Medical Center ang tanang mga biktima alang sa dinalian nga pagtambal.