Misaka na sa 41 ang gidaghanon sa mga namatay human mitaob ang usa ka ferry nga MV Barima sa Guyana.
Base sa rekord sa mga otoridad, misaka usab sa 77 ang gidaghanon sa mga naluwas gikan sa trahedya samtang nagpadayon ang search ug retrieval operations sa dapit sa insidente.
Nahitabo ang pagtaob sa ferry niadtong milbayng adlaw sa gabii samtang nagsakay kini og 179 ka pasahero.
Hangtod karon, daghan pa ang gituohang wala gihapon makit-i.
Sumala sa mga imbestigador, posibleng hinungdan sa insidente ang dili tukmang listahan sa mga pasahero ug ang suspetsang paggamit og ilegal nga droga sa pipila ka mga tripulante sa ferry.
Sa pagkakaron, 16 ka sakyanang-pandagat ang gipakatap sa lugar sa diin mitaob ang ferry nga MV Barima aron motabang sa operasyon.
Gipangulohan sa mga French diver, uban sa mga lokal nga rescue team, ang pagpangita sa ubang mga gituohang nawagtang.