ipadayag sa kanhi presidente sa Integrated Bar of the Philippines (IBP) nga ang mga hulga sa pagpatay dili awtomatikong mapanalipdan ubos sa freedom of expression ug kinahanglan gayod nga susihon base sa konteksto ug sa balaod.
Sa pagtuki ug pakighinabi sa Bombo Radyo Malaybalay kang Atty. Eddie Cuaresma may kalabotan sa kontrobersiya ug impeachment trial sa ikawalong adlaw batok kang Vice President Sara Duterte, gipahayag niini nga ang usa ka hulga sa pagpatay mahimong maisip nga grave threat, bisan pa man ipangatarungan nga dala lamang kini sa kasuko.
Tungod niini, nanawagan si Cuaresma nga dapat patas nga ipatuman ang balaod ug walay double standard o doble nga sukdanan tali sa mga ordinaryong lungsuranon ug sa mga gamhanang opisyal sa gobyerno, sabay pahinumdom nga ang tinuod nga gahom anaa gayud sa kamot sa katawhan.