Search and rescue operations, padayon human natigayung  landslide sa China 

Natabonan sa yuta ang pipila ka residential buildings ug daghang tawo ang gituohang natanggong human sa nahitabong landslide sa siyudad sa Chongqing, habagatang-kasadpang China, kagahapong adlawa Hulyo 17.

Base sa taho sa state media, walo ka tawo ang naluwas gikan sa mga nagdapog nga debris samtang nagpadayon ang search and rescue operations.

Nahitabo ang landslide alas 9:08 sa buntag sa Pengshui County, nga nahimutang sa habagatan-sidlakang bahin sa Chongqing ug nag-utlanan sa mga probinsya sa Hubei ug Guizhou.

Sa pagkakaron, wala pa’y opisyal nga taho kon adunay mga namatay o nasamdan sa maong insidente samtang nagpadayon ang imbestigasyon ug rescue operations.