Dili moubos sa 27 ka tawo ang namatay samtang 63 ang nasamdan sa sunog nga miulbo ang dakong sunog sa usa ka pampublikong gambalay sa Bangkok, Thailand.
Sumala sa mga otoridad, nahitabo ang insidente sa Chatuchak District sa kaulohan sa Thailand.
Base sa inisyal nga imbestigasyon ug mga testimonya sa mga nakalingkawas, paspas nga mikatag ang baga nga aso human mibuto ang kalayo sulod sa establisemento.
Tungod niini, daghang mga kostumer ang misulay og gawas ug midangop sa likurang bahin sa pub duol sa mga comfort room aron makalingkawas.
Apan, sumala sa mga opisyal, walay fire exit ang maong establisemento, maong daghan sa mga biktima ang natanggong sa sulod sa nagdilaab nga pub.
Padayon pa sa imbestigasyon ang mga otoridad aron matino ang hinungdan sa sunog ug masuta kon adunay mga paglapas sa mga lagda sa kaluwasan ug fire safety sa maong establisemento.