Kapin P21.5 milyong kantidad sa mga smuggled nga sigarilyo ang nasakmit sa Police Regional Office-10 (PRO-10) ug 79 ka mga indibidwal ang nadakpan atol sa usa ka bulan nga gipakusog nga kampanya batok sa pagpamaligya og iligal nga mga produktong tabako sa Northern Mindanao.
Sumala sa PRO-10, nakapahigayon sila og 126 ka operasyon nga nagresulta sa pagkasakmit sa 248 ka kahon, 15,720 ka ream, 459 ka pakete ug 118 ka stick sa smuggled nga sigarilyo nga adunay kinatibuk-ang kantidad nga P21,532,722.
Ang Lalawigan sa Lanao del Norte maoy adunay pinakadakong kantidad sa mga nakompiskang sigarilyo nga miabot sa P15.2 milyon, gisundan sa Misamis Occidental nga adunay P971,200, Bukidnon nga adunay P190,480, Misamis Oriental nga adunay P155,850 ug Camiguin nga adunay P113,112.