Nagkinahanglan ang Pilipinas og labing menos 3.7 porsyentong economic growth sa sunod tulo ka quarters aron makab-ot ang giusab nga target sa gobyerno alang sa 2026.
Sumala sa taho, kung tinguhaon ang 4.5% tumoy sa target, kinahanglan moabot sa 5.07 porsyento ang average growth sa nahibiling tulo ka quarters.
Dugang pa, nga ang ekonomiya misaka lamang og 2.8 porsyento sa unang quarter, ang pinakahinay nga pagtubo sukad 2021.
Gipasabot usab nga naapektuhan ang ekonomiya sa kontrobersiya sa flood control projects ug sa panagbangi sa Middle East nga nakapataas sa presyo sa lana ug sa gasto sa transportasyon ug produksiyon.
Bisan pa niini, naglaom ang gobyerno nga molambo ang ekonomiya sa ikaduhang tunga sa tuig pinaagi sa pagpadali sa infrastructure spending ug pagpalig-on sa pagsalig sa mga konsumidor ug negosyo.