Nakadugang og duha ka bag-ong Guinness World Records si Austin Head, usa ka fitness instructor sa New York nga nailhan isip “The Lunge King,” pinaagi sa paghimo og daghang lunges bisan nagsul-ob og 20 ka librang weighted vest.
Si Head, nga lumad sa Kilgore, Texas, nakakompleto og 71 ka lunges sulod sa usa ka minuto ug 200 ka lunges sulod sa tulo ka minuto, nga maoy nakahatag kaniya sa duha ka bag-ong world records.
Kini nga kalampusan nakahatag kaniya sa mga titulo alang sa pinakadaghan nga lunges nga nahimo sulod sa usa ka minuto ug tulo ka minuto samtang nagdala og 20 ka librang gibug-aton.
Niadtong 2024, nakarekord na usab kini og duha ka Guinness World Records alang sa pinakalayong distansya nga nalakaw pinaagi sa lunge sulod sa usa ka oras ug pinakadaghan nga lunges nga nahimo sulod usab sa usa ka oras.
Gawas sa bag-ong mga rekord, nakatigom usab si Head og kapin sa 3,200 ka dolyares nga donasyon alang sa Broadway Cares/Equity Fights AIDS, usa ka organisasyon nga nagsuporta sa mga programa batok sa AIDS.