3 ka mga drug personalities, sikop sa buy-bust operation sa Manolo Fortich

Malampuson nga naaresto sa gilusad nga drug buy-bust operation ang tulo ka mga indibidwal pasado alas 4 sa kadlawon niadtong Hunyo 30 sa Purok 11, Barangay Damilag, Manolo Fortich, Bukidnon.

Ang mga nadakpan giila nga sila alyas “Dodong,” 24 anyos; alyas “Jan-jan,” 23 anyos; ug alyas “Jude,” 33 anyos.

Nakumpiska gikan sa mga suspek ang giingong shabu nga mokabat sa kapin tunga sa gramo nga adunay kantidad nga P4,284.00. Gawas sa droga, narekober usab ang usa ka P1,000 buy-bust money ug lain-laing drug paraphernalia.

Sa karon, anaa na sa kustodiya sa kapolisan sa Manolo Fortich ang mga nadakpan samtang giandam ang kasong ipasaka batok kanila.