Boluntaryong misurender sa mga otoridad ang duha ka nahabiling miyembro sa Communist Terrorist Group (CTG) bitbit ang ilang mga armas sa dakbayan sa Gingoog, Misamis Oriental niadtong milabay’ang adlaw.
Nahimong malampuson ang maong operasyon pinaagi sa hiniusang koordinasyon sa nagkadaiyang law enforcement ug intelligence units, isip kabahin sa nagpadayong kampanya batok sa insurgency sa rehiyon sa Northern Mindanao.
Sumala sa mga otoridad, ang pagsurender sa nahabiling mga rebelde nagpamatuod sa epektibong intelligence operations, lig-on nga inter-agency collaboration, ug sa walay puas nga peace-building efforts aron makab-ot ang kahapsay ug kalinaw sa rehiyon.
Tungod niini, padayon karon ang panawagan sa kapulisan ngadto sa uban pang nahabiling miyembro sa CTG nga mubalik na sa sabakan sa balaod ug pahimuslan ang kahigayunan alang sa usa ka malinawon ug bag-ong sinugdanan sa ilang kinabuhi sulod sa komunidad.