8th Infantry Battalion, nagpasiugda og team-building ug learning activity alang sa mga scholars niini

Usa ka makahuluganon nga adlaw sa team-building, pagkat-on, ug serbisyo ang gipahigayon sa 8th Infantry Battalion (8IB) alang sa mga scholars niini ubos sa Dependable Scholarship Program niadtong Hunyo 28, 2026.

Pinaagi sa maong kalihokan, mas napalig-on pa ang relasyon sa maong yunit ngadto sa mga scholars, samtang gihatagan og bili ang pagpalambo sa leadership, resilience, teamwork, ug kasingkasing alang sa pagserbisyo sa uban.

Pinaagi sa mga inisyatibo nga sama niini, nagpadayon ang 8IB sa pag-invest sa kaugmaon sa kabatan-onan aron sila mamahimong kasaligan nga mga lider nga magdala og positibong kausaban sa ilang tagsa-tagsa ka komunidad ug sa tibuok nasud.