MANILA — Inakusahan ni Senator Alan Peter Cayetano ang Palasyong Malacañang nga nakig-alayon sa nagkadaiyang sangay sa gobyerno alang sa pagpasaka og kasong plunder batok kang Senator Dante Marcoleta aron kuno maimpluwensyahan ang Senado sa nagsingabot nga impeachment trial ni Vice President Sara Duterte.
Sumala ni Cayetano, ang plano sa Office of the Ombudsman nga magpapha og non-bailable nga kaso batok kang Marcoleta usa ka matang sa paggipit aron lasgasan ang gidaghanon sa mga senador nga mobotar sa impeachment proceeding. Gidugang pa niini nga gigukod si Marcoleta tungod sa iyang mga nabistong anomalya sa flood control projects kaniadto. Tungod niini, nanawagan siya sa publiko nga makiisa sa gipahigayon nga kilos-protesta sa mga miyembro sa Iglesia ni Cristo sa EDSA isip suporta sa mambabalaod.
Sa pikas bahin, dako ang pagsalig ni Senator Panfilo “Ping” Lacson nga dili magpa-impluwensya ug dili magpadala sa presyur si Ombudsman Jesus Crispin Remulla taliwala sa nagpadayong rally sa EDSA. Matud ni Lacson, ipadayon gyud sa Ombudsman ang saktong proseso sa balaod batok kang Marcoleta base sa ebidensya samtang gipaniguro usab sa PNP ang kaluwasan sa tanan sa tibuok kahabaan sa EDSA.