Gipasalig sa bag-ong gitudlong mga private prosecutors sa House Prosecution Panel nga ilang iduso ang kamatuoran, transparency ug accountability sa impeachment trial batok kang Vice President Sara Duterte.
Pormal nang gipaila ang mga abogado nga sila Atty. Reynaldo Robles, Atty. Theodore Te, Atty. Mae Divinagracia ug Atty. Arnold Labay, nga motabang sa pagpresentar sa kaso sa prosecution atol sa pagdungog.
Matud ni Atty. Robles, ilang gamiton ang ilang kasinatian sa litigasyon aron mapadayag ang kamatuoran ug mapalig-on ang proseso sa accountability subay sa Konstitusyon.
Samtang, sumala usab ni Atty. Mae Divinagracia nga ang iyang pag-apil sa prosecution panel nagtumong sa pagpalig-on sa transparency ug pagpangayo og hingpit nga pananubag gikan sa mga opisyal sa gobyerno.