Sulod na sa round of 16 ang Canada Men’s National Soccer Team human sa ilang makasaysayanong 1-0 nga kadaugan batok sa South Africa sa Round of 32 knockout match didto sa Los Angeles niadtong Hunyo 28, 2026.
Kini ang pinakaunang higayon sa kasaysayan sa Canada nga nakasulod ug nakadaog sa knockout stage sa FIFA World Cup.
Nagpabiling zero-zero ang dula hangtod miabot ang kulbahinam nga stoppage time sa 2nd quarter sa dula. Sa ika-92 nga minuto, mibuto ang kalipay sa mga fans sa Canada sa dihang napasulod sa ilang kapitan ug midfielder nga si Stephen Eustáquio ang usa ka kusog nga sipa gikan sa gawas sa penalty box human makuha ang rebound gikan sa depensa sa South Africa.
Bisan pa man og kontrolado sa South Africa ang bola sa dakong bahin sa dula (58% possession), mas grabe ang mga pag-atake sa Canada nga nakatala og 14 ka sipa padulong sa goal.
Dako sab og natabang ang pagsulod sa ilang bituon nga defender nga si Alphonso Davies sa ika-75 nga minuto isip puli, human kini maulian gikan sa iyang injury sa hamstring.
Tungod niini, molupad ang Canada padulong sa Houston, Texas alang sa ilang sunod nga dula sa Round of 16 karong Sabado, Hulyo 4, 2026, samtang naghulat kung kinsa ang ilang makasangka taliwala sa Netherlands ug Morocco.