Gipaniguro sa embahada sa Pilipinas nga luwas ang kahimtang sa mga OFW sa Israel nga apektado sa sunod-sunod nga pagpaulan og ballistic missile sa Iran isip balos.
Matud pa ni Sheryl Catubay, Bombo International News Correspondent sa Israel, dunay naigo nga apartment sa mga OFW sa Rehovot diin miresulta sa pagkaangol sa uban.
Dugang pa niini, nga walay tarong tulog ang mga OFW gumikan sa sunod-sunod nga pagpaulan sa bomba.
Matud pa niini, dunay laing pinoy nga naigo sa bomba, apan dali kining girespondehan sa mga kaubang Pinoy ingun man sa embahada sa Pilipinas, ug luwas kining nabalhin sa usa ka hotel.
Gibutyag usab ni Catubay, nga kanunay nga andam ang embahada sa Pilipinas sa pag-aksyon sa mga kakulian ug mitanyag og opsyon alang sa buot muuli.
Gani, sa nahagpat niining impormasyon, dunay walo ka mga Pinoy nga gusto na nga mupauli.