Mikabat na sa 13 ka tawo ang kumpirmadong namatay human sa usa ka kusog nga pagbusikad nga nahitabo sa Ras Laffan Industrial Zone sa Doha, Qatar, nga nailhan isip usa sa pinakadakong liquefied natural gas (LNG) facilities sa kalibutan.
Matud ni Qatari Energy Minister Saad Sherida Al-Kaabi, kadaghanan sa mga biktima mga lumad sa India ug Pakistan nga nagtrabaho sa maong pasilidad.
Mipahayag usab og pakigduyog ang Embahada sa India sa Doha ngadto sa mga pamilya sa mga namatay ug nagsaad nga motabang sa mga naapektuhan ug sa mga nasamdan sa insidente.
Sa pagkakaron, nagpadayon pa ang imbestigasyon aron matino ang eksaktong hinungdan sa pagbuto. Una nang migawas ang mga taho nga adunay nahitabong teknikal nga problema sa Barzan gas facility sa dihang gisugdan pag-usab ang operasyon niini, human kini maapektuhan sa kadaot nga nalangkit sa tensyon ug panagbangi sa rehiyon sa Middle East.