Gikondena sa Mayor ning dakbayan sa Malaybalay ang publiko kalabot na sa nagkataas nga kaso sa mga biktima nga napaakan og iro.
Sa pakighinabi sa Bombo Radyo kang Malaybalay City Mayor Jay Warren Pabillaran , hugot nga gipasabot niini ang dakong kakulang sa o personal nga responsibilidad sa mga tag-iya og binuhi.
Kini human mamatikdi sa amahan sa siyudad ang dagan sa panghuna-huna sa uban nga daling mabasol sa kagamhanan kung walay suplay sa anti-rabies, imbes nga tutokan ang tinuod nga hinungdan kung nganong aduany napaakan.
Prangkan usab nga gipahayag sa alkalde nga dako kaayo og kaon sa pondo ang maong bakuna diin mokabat sa P5,000 ngadto sa P7,000 ang matag vial niini, samtang limitado ra usab ang alokasyon nga madawat gikan sa Department of Health (DOH) ug sa lokal nga kagamhanan.
Gipadayag ni Pabillaran nga ubay sa balaod, obligasyon ug personal responsibility sa tag-iya ang pagtubag sa tanang gastohon kon makapaak ang ilang hayop ug dili kini angay nga ipasa sa gobyerno.