VALENCIA CITY – Patay ang usa ka mag-uuma sa Valencia City Bukidnon human nga nakaangkon ug 15 ka mga samad tinigbasan sa ulo.Sa inisyal nga imbestigasyon sa kapulisan gikan sa Valencia City , naila ang biktima nga si Ridden Baylosis, minyu, 30 anyos ug residente sa Purok 12, Sitio Sungkilaban, Barangay Lurugan sa maong syudad.
Napalgan ang patayng lawas niini sa puno na sa samad tinigbasan ilabina sa ulo sa may rubber tree farm sa Purok 10, Sitio Tawan-tawan,sa maong Barangay.Ang suspek nailang sa alyas Majid, 31 anyos, taga Marawi City.
Samtang sumala ni Lurugan Barangay Kapitan Marlon Librando nga dihang nasayrang dunay napalgang patay sa ilang barangay dali niini gimando sa iyang mga kaubanang mga kagawad ang pagsusi niini dayong tawag sa kapulisan.
Nakita sa mga niiini nga naligo na sa kaugalingon nga dugo ang biktima ug wala nay kinabuhi.