Gipalig-on sa Department of Education (DepEd) ang security measures sa tanang tunghaan sa tibuok nasod aron malikayan ang pag-usab sa madugong pamamaril didto sa San Jose National High School sa Tacloban City nga mikalas sa tulo ka estudyante ug nikaangol og kapin 20 ka uban pa.
Matud ni DepEd Undersecretary Malcolm Garma, gipaningkamotan karon sa ahensya ang pagpataas sa mga bakod sa eskwelahan ug pagbutang og dugang metal detectors aron mapugngan ang pagsulod sa mga armas sulod sa kampus. Bisan pa man giisip nga isolated cases ang nahitabo sa Tacloban ug Cavite, makigtambayayong gihapon ang DepEd sa Philippine National Police (PNP) ug mga opisyal sa barangay alang sa mas gihigpitan nga seguridad sulod ug gawas sa mga tunghaan.
Sa pikas bahin, nanawagan si Akbayan Party-list Representative Chel Diokno sa DepEd nga sulbaron ang “culture of silence” o ang pagbale-wala lang sa mga biktima sa bullying nga posibleng duna’y dako nga kalabotan sa maong trahedya. Giduso ni Diokno ang mas lapad nga Learners Telesafe Helpline ug ang whole-of-government approach aron masiguro ang hingpit nga kaluwasan sa mga estudyante samtang padayon nga gihashasan sa DepEd ang mga dugang lakang batok sa kapintasan.