Gibuak ni Ian de Leon ang pagpakahilom ug mitubag sa mga pamahayag sa iyang igsoon nga si Lotlot de Leon kalabot sa giingong dili pagsinabtanay sa ilang pamilya kalabot na sa nabiling kabtangan ug kabilin sa ilang inahan nga si Nora Aunor.
Pinaagi sa sunod-sunod nga Facebook Stories, gipanghimakak niini ang alegasyon nga wala niya gipahibalo ang iyang mga igsoon sa plano nga pagtukod og one-person corporation aron modumala sa panulondon sa National Artist.
Matud ni Ian, dili siya supak sa pagtukod og foundation alang sa iyang inahan apan gusto niini nga mahan-ay una ang tanang legal nga dokumento.
Giingon usab ni Ian nga nahibalo ang iyang mga igsoon sa maong plano ug naulahi sa mga desisyon.
Gipasiugda niini nga adunay proseso nga sundon ug patas nga bahin ang matag manununod.
Gikasubo niini nga gipakita siya nga ‘madamot” o dalo bisan pa sa iyang pag-awhag sa transparency ug panaghiusa sa pamilya.
Sa pagkakaron, nagpadayon ang kontrobersiya tali sa mga anak sa Superstar human sa nagkalainlaing pamahayag nga ilang gibutyag sa publiko.