Napakyas si Eman Bacosa Pacquiao, anak ni eight-division world champion Manny Pacquiao, sa pag-angkon sa Philippine Boxing Federation (PBF) lightweight title human kini mapildi ni Rodelyn Perez pinaagi sa majority decision niadtong Domingo sa gabii sa DRP Sports Complex.
Gikonsidera nga paborito sa maong away si Pacquiao tungod sa iyang rekord nga 8 ka daog, 1 kapildihan ug 1 tabla, lakip ang lima ka knockout wins.
Apan wala matarog si Perez ug gipakita ang lig-on nga depensa ug agresibong opensiba nga nakadani sa pabor sa mga hurado.
Sa katapusan sa away, gideklara si Perez isip bag-ong kampiyon pinaagi sa majority decision, nga maoy nagtapos sa lima ka sunod nga kadaugan ni Pacquiao sukad pa niadtong Pebrero 2023.
Sa wala pa ang maong away, adunay rekord si Perez nga 5 ka daog ug 4 ka kapildihan.