Nagpadayon ang impresibong dagan ni Alex Eala sa Berlin Open human niining mapildi ang World No. 2 nga si Elena Rybakina sa iskor nga 7-5, 6-4. Bisan og naulahi kini og 1-4 sa unang set, nakabalik si Eala ug nakuha ang kadaugan pinaagi sa lig-on nga depensa.
Tungod sa maong kadaugan, nakauswag si Eala sa quarterfinals sa Berlin Open diin iyang atubangon ang Ukrainian tennis star nga si Elina Svitolina.
Kini na ang ikalimang higayon nga napildi ni Eala ang usa ka Top 10 player ug usa na usab ka dakong kalampusan alang sa 21-anyos nga Filipina samtang nag-andam kini alang sa umaabot nga Wimbledon tournament.
Ang kadaugan batok kang Rybakina giisip nga usa sa labing dagkong kalampusan ni Eala sukad sa iyang makasaysayang pagpildi kang Iga Swiatek sa Miami Open sa miaging tuig.