Gipahibalo sa Estados Unidos nga gituldokan na niini ang naval blockade batok sa Iran human mapirmahan ang kasabutan aron mapakunhod ang tensyon sa Middle East.
Tungod niini, gibuksan pag-usab ang Strait of Hormuz karong adlawa, usa ka importante nga agianan sa mga barkong nagdala og lana ug ubang kargamento.
Ubos sa kasabutan, kinahanglan nga gub-on sa Iran ang ilang enriched uranium ug undangon ang pagsuporta sa mga armadong grupo sa rehiyon. Tungod niini undangon usab sa US ang mga operasyong militar niini.
Bisan pa sa kasabutan, nagpabiling adunay kabalaka si Mojtaba Khamenei, samtang gisuportahan kini ni Donald Trump ug ni Benjamin Netanyahu.
Lakip sa kasabutan ang pag-undang sa gubat, pagpugong sa Iran sa paghimo og nuclear weapon ug pagtukod og pondo nga $300 bilyon alang sa pagpalambo sa ekonomiya sa Iran.
Luyo niini, nagpadayon gihapon ang mga pag-atake tali sa Israel ug sa Hezbollah sa Lebanon.