Iran vs. New Zealand, natabla sa iskor nga 2-2 sa FIFA World Cup 2026

Natabla nga iskor nga 2-2 ang dula sa Iran ug New Zealand sa padayon nga kompetisyon sa FIFA World Cup 2026 nga gihimo sa Los Angeles Stadium.

Nauna ang New Zealand sa ika-6 ka minuto pinaagi kang Elijah Just, apan dali ra kini nga natupngan sa Iran sa ika-31 ka minuto pinaagi sa sipa ni Ramin Rezaeian.

Sa second half, nibalik og lamang ang New Zealand human si Just nakasikop sa iyang ikaduhang goal sa ika-54 ka minuto, nga nagdala sa iskor nga 2-1.

Apan wala niundang ang Iran ug nibawi pinaagi sa header ni Mohammad Mohebi sa ika-63 ka minuto, nga miresulta sa final score nga 2-2. Tungod sa maong resulta, nagpabilin nga bukas ang standings sa Group G, diin tabla pa ang tanang teams sa sayong yugto sa maong torneo.