Gipanghimakak ni Miss Universe Philippines 2022 Celeste Cortesi ang mga espekulasyon nga nagbuwag na sa iyang uyab nga si Jonathan Sterling, usa ka British tech entrepreneur.
Sa Instagram Story niini, mipatik si Celeste og hulagway nilang duha ug gipadayag nga lig-on gihapon ang ilang relasyon bisan pa sa mga naglutaw nga istorya sa social media.
Matud ni Celeste, ang ilang prayoridad karon mao ang ilang pamilya ug ang pag-atiman sa ilang umaabot nga anak nga si Sergio, nga gihinganlan agig pagpasidungog sa iyang namatay nga amahan.
Gihangyo usab niini ang publiko nga respetuhon ang ilang pribadong kinabuhi ug magpokus sa mga butang nga mas importante alang sa ilang pamilya, ilabina tungod sa bata nga nalambigit sa sitwasyon.
Kahinumduman nga una nang mikaylap ang mga report nga nag-ingon nga gibiyaan matud pa ni Sterling si Celeste ug nalambigit sa aktres ug kanhi beauty queen nga si Bianca Manalo.