Onse (11) ka mga indibidwal ang nasikop sa kapulisan sa sunod-sunod nga operasyon batok sa ilegal nga droga sa tibuok probinsya sa Bukidnon sulod lang sa usa ka semana.
Gikumpirma ni Police Captain Sheila Joy P. Jangad, ang tigpamaba sa Bukidnon Police Provincial Office (BPPO), ang maong mga sa operasyon nahitabo sugod niadtong Hunyo 8 hangtod Hunyo 14.
Matud ni Jangad, nakatala ang ilang buhatan og eksaktong 11 ka anti-illegal drug operations nga miresulta usab sa pagkaaresto sa 11 ka mga suspetsado.
Gisugilon niini nga ang maong kalampusan maoy tinubdan sa kamatuoran nga seryoso ug wala nagpapabaya ang kapulisan sa probinsya sa ilang kampanya batok sa gidili nga droga.
Dugang pa sa opisyal nga lakip sa ilang operasyon mao ang hugot nga pagpatuman sa padayon ang ilang pagrepaso ug pag-monitor sa mga Small Town Lottery (STL) outlets sa rehiyon, ilabi na sa ilang lokasyon ug operasyon.
Sumala sa usa ka opisyal, gitutukan karon sa ilang ahensya ang mga STL outlets aron masiguro nga nasunod ang mga regulasyon, lakip na ang hustong distansya niini gikan sa mga simbahan ug eskwelahan.
Giingon usab nga adunay suod nga koordinasyon sa mga Local Government Units (LGUs) aron masiguro nga tarong ang pagpatuman sa mga balaod ug guidelines nga nag-regulate sa maong operasyon. Â
Taliwala niini, gipahibalo sa buhatan sa kapulisan nga nagpabiling malinawon ug kontrolado ang kahimtang sa kalinaw ug kahapsay sa Bukidnon, ilabi na sa ikaduhang semana na sa pagbalik sa klase sa mga tunghaan.
Sumala ni Jangad, hangtod karon wala pay natala nga bisan unsang school-related incidents sukad nagsugod ang klase sa mga estudyante.
Base sa ilang monitoring, giingon nga ang peace and order situation sa lalawigan nagpabiling hapsay ug walay dagkong problema nga nakaapekto sa mga eskwelahan ug komunidad.