Padayon nga giila sa tibuok kalibutan ang Polish freediving champion nga si Stanisław Odbieżałek human magtala og pipila ka Guinness World Records sa breath-hold diving.
Karong tuiga, 2026, narekord niini ang pinakataas nga paglakaw sa ilawom sa tubig sa usa lang ka pagginhawa human makalakaw og 120.10 ka metro didto sa Asker, Norway. Subay niini, nalabwan niya ang kaugalingong rekord nga 110.70 ka metro niadtong tuig 2025.
Gawas niini, nakuha usab niya ang Guinness World Record para sa pinakataas nga pagpugong sa ginhawa sa ilawom sa nagyelong tubig human kini nagpabiling nakalubog sulod sa 3 ka minuto ug 11 ka segundo didto gihapon sa Norway niadtong Nobyembre 2025.
Tungod sa iyang mga talagsaong kalampusan, giila si Odbieżałek isip usa sa mga nag-unang atleta sa tibuok kalibutan sa natad sa extreme freediving.