Giberipika na sa National Bureau of Investigation kon (NBI) ang report nga namatikdan si Senador Ronald dela Rosa sakay sa usa ka yate nga padulong sa usa ka probinsiya nga wala pa gihinganlan.
Sumala ni NBI Director Melvin Matibag, posible nga ang maong report gituyo aron malibog o malingla ang mga awtoridad nga gitahasan sa pagdakop sa senador.
Nahitabo kini samtang giatubang ni Dela Rosa ang usa ka arrest warrant gikan sa International Criminal Court kalabot sa iyang giingong papel sa duguong “war on drugs” sa administrasyon ni kanhing Presidente Rodrigo Duterte.
Kahinumduman nga sukad nabalita nga mibiya sa Senado si Dela Rosa niadtong kaadlawon sa Mayo 14, pipila ka oras human sa nahitabong pagpabuto sulod sa hawananan sa Senado, wala na kini makita sa publiko.
Sa pagkakaron, nagpadayon ang tibuok nasud nga pagpangita (nationwide manhunt) kang Dela Rosa.