Angol ang upat ka mga indibidwal human nabangga ang gisakyan nga motorsiklo sa usa ka truck nga kalit miatras sa tunga sa karsada sa Purok-6A, Barangay Aglayan, niadtong sayong kabuntagon sa Hunyo 5, 2026, pasado alas 4:22.
Subay sa narekord nga video ni Amorlina Lopez Paguntalan, makita ang makalilisang nga kahimtang sa mga biktima diin ang usa kanila nagbakho tungod sa nahiagoman nga sakit samtang naglingkod sa kalsada, samtang ang usa pa ka kauban niini ang naghigda sa dalan nga samaran ug wala nay sapot sa taas.
Diha-diha usab nga miabot ang mga awtoridad sa dapit aron ihatag ang dinalian nga tabang medikal ug aron kontrolahon ang dagan sa mga sakyanan sa maong dapit.
Sa pagkakaron, padayon pa ang imbestigasyon sa kapulisan aron mahibaloan ang pagkatawo sa mga biktima, nga gituohang taga-Linabo, ug aron matino ang kinatibuk-ang danyos sa maong aksidente.