Gwapo ug walay kaparehas nga sama kang Justin Bieber, ang sikat karon sa nasud sa India diin gikagubtan nsa mga netizens online.
Giila ang maong indibidwal, nga si Suraj Chavan, 30 anyos usa ka influencer, residente sa Maharashtra, India, ug naila isip “Indian Justin Bieber” human nag-trending ang iyang makabungog ug kataw-anang glow-up gikan sa pagka-kargador ngadto na sa daghang nagka-crush niini.
Sumala pa, sa wala pa man misikat, si Suraj usa lamang ka simpleng trabahante sa ilang lugar, apan kalit na lamang nahimong milyonaryo human gipalad sa reality show nga Big Boss Marathi Season 5 niadtong tuig 2024.
Imbes nga ang iyang premyo ang hisgutan, mas gikahugyaw pa sa mga netizens ang iyang tabon-kilay nga hairstyle nga aduna’y swoopy fringe ug niwang nga barog nga nahaom usab sa sikat nga “Baby” era ni Justin Bieber.
Tungod sa kanunay’ng pagtandi kaniya sa social media, giila na kini karon sa mga viral reels isip “India’s most handsome man” ug aduna na’y halos 3 milyones nga followers sa iyang Instagram nga giila na usab nga bag-ong global meme heart-throb sa tibuok kalibutan.