- Advertisement -
Hingpit nga miharos ang Pinay tennis star nga si Alex Eala ngadto sa Round of 16 sa WTA 125 Birmingham Open human niya gipukan si Priscilla Hon sa Australia pinaagi sa straight sets, 6-0, 6-2, niadtong Martes sa gabii.
Gidominar sa 21-anyos nga si Eala, kinsa maoy top seed sa torneyo, ang unang set sulod lang sa 22 minutos diin wala gyud siya kakahatag og puntos sa iyang kaatbang. Bisan pa man og misulay sa paggukod si Hon sa ikaduhang set, daling gitapos sa garbo sa Pilipinas ang dula sulod lang sa dul-an usa ka oras.
Tugod niining maong kadaugan, sunod nga sangkaon ni Eala sa Round of 16 ang makadaug sa tigi tali nina Alina Charaeva sa Russia ug Greet Minnen sa Belgium.
- Advertisement -