Kanhi DPWH Sec. Bonoan gidala sa ospital human misaka ang blood pressure atol sa paggawas sa warrant of arrest

Gidala sa ospital si kanhing Public Works Secretary Manuel Bonoan human misaka ang iyang blood pressure human migawas ang arrest warrant batok kaniya gikan sa Sandiganbayan.

Gikumpirma kini ni Department of the Interior and Local Government (DILG) Secretary Jonvic Remulla human sa boluntaryong pagsurender ni Senator Jinggoy Estrada.

Kauban si Bonoan sa mga gipasakaan og kaso nga plunder may kalabotan sa giingong anomalya sa flood control projects.

Sumala pa ni Remulla nga hugot ang pagbantay sa PNP General Hospital diin ang mga doktor mao ang mohimo sa desisyon kung kanus-a siya tugotan mogawas aron atubangon ang iyang kaso.