Gipahibalo sa labing labaw nga negotiator sa Iran nga si Mohammad Bagher Ghalibaf nga dili gyud angayng saligan ang Estados Unidos, ug nadeklara kini nga dili sila mosugot sa bisan unsang kasabotan gawas kon masiguro ang tibuok katungod sa mga taga-Iran.
Kini nga pamahayag gihimo human nanggawas ang mga taho nga nagpadala og mas estrikto ug mas bug-at nga kondisyon o peace proposal si US President Donald Trump balik ngadto sa Iran. Ang maong kalamboan nagpakita nga duna pa gihapo’y dako nga lalis ug panagbangi nga kinahanglang sulbaron sa duha ka nasod, diin mahimo kining hinungdan sa dugang nga kalangan alang sa pormal nga pagtapos sa gubat sa Middle East ug sa pag-abli pag-usab sa estratehikong agianan sa barko sa Strait of Hormuz.
Prayoridad ni Trump nga mapun-an ug mapugngan ang Iran sa paghimo og mga armas nukleyar, apan gipanghimakak sa Iran ang pipila ka pamahayag ni Trump ug nangayo hinuon sila sa dinaliang pag-buhis o pagpagawas sa $12 bilyon nga pundo sa Iran nga kasamtangang gi-frozen o gipugngan sa Amerika. Sa pagkakaron, nagpadayon pa ang binayloay sa mga sugyot ug kausaban sa teksto sa kasabotan, apan wala pa’y pinal nga nauyonan ang duha ka habig.