Tingkagol karon sa prisohan ang duha ka wanted person human malampusong nadakpan sa sunod-sunod nga manhunt operation sa magkalahing dapit sa lungsod sa Quezon, Bukidnon. Unang nadakpan sa mga otoridad si alyas Ronaldo, 39 anyos, kinsa nagtrabaho isip account officer sa usa ka appliance center sa Valencia City ug residente sa Zone Four, Busco, Barangay Butong. Nadakpan si Lastimosa alas siyete singkwenta (7:50 ) sa buntag pinaagi sa warrant of arrest sa kasong pagpangawat, diin adunay girekomendang piyansa nga P3,000.
Paglabay lang sa napulo ka minuto, sunod nga nasikop sa laing dapit si Alyas Jesus, kwarenta anyos, kinsa usa ka laborer ug residente sa Barangay Four-B, Poblacion sa maong lungsod ubos gihapon sa susamang kaso.
Ang malampusong operasyon gikasa sa hiniusang pwersa sa Quezon Municipal Police Station. Ang duha ka suspetsado anaa na karon sa kustodiya sa Quezon MPS alang sa husto nga dokumentasyon.