- Advertisement -
Nagtakda na ang International Criminal Court (ICC) og mga importanteng petsa alang sa pag-uswag sa kaso batok kang kanhi Presidente Rodrigo Duterte, kinsa kapin na sa usa ka tuig nga nakadetine sa The Hague, Netherlands.
Subay sa kamanduan sa ICC Trial Chamber III human sa gihimong status conference, gipagawas ang mosunod nga mga importanteng deadline alang sa prosekusyon ug depensa:
- Hunyo 23 ug Hulyo 14 – Sunod nga mga status conference.
- Hunyo 29 – Pagsumite sa inisyal nga listahan sa mga testigo sa prosekusyon.
- Agosto 31 – Kataposang adlaw sa pagsumite sa pinal nga listahan sa mga ebidensya ug testigo.
- Setyembre 28 ug Oktubre 30 – Mga trial briefing alang sa mga biktima ug sa kampo sa depensa.
Gilauman nga magsugod ang pormal ug full-blown trial batok sa kanhi pangulo karong Nobyembre 30, 2026—ang ika-20 nga buwan sukad sa dihang giaresto siya sa Manila tungod sa kasong crimes against humanity nga may kalambigitan sa iyang kampanya batok sa ilegal nga droga.
- Advertisement -