Dili dapat magsilbing babag o rason sa laing pagkalangan sa pagsugod sa bista batok kang kanhi Presidente Rodrigo Duterte ang kakulangon sa mga interpreter ug translator sa International Criminal Court (ICC).
Kini ang gipahayag ni ICC-Accredited Lawyer Gilbert Andres, human gibutyag sa Trial Chamber III sa gihimong status conference nga naglisod sila sa pagpangita og mga kwalipikadong interpreter alang sa mga saksi sa prosekusyon ug depensa. Sumala sa ICC Registry, gikinahanglan ang mga eksperto nga batid dili lang sa pinulungang Pilipino kondili lakip na sa mga teknikal nga terminong legal sa usa ka internasyonal nga tribunal.
Bisan pa man niini, gipasabot ni Atty. Andres nga duna pa’y igong panahon ang korte aron masulbad ang maong isyu sa komunikasyon. Hugtanon niyang gipahayag nga ang maong kakulian sa logistika dili gayod angay nga magsilbing hinungdan aron mauswag na usab ang dugay nang gipaabot nga husay alang sa mga biktima sa drug war.