Mikabat na sa 82 ka tawo ang kumpirmadong nakalot nga patay human sa natanggong sa gas explosion sa usa ka minahan sa karbon sa probinsya sa Shanxi, China.
Kini ang pinakahuling datos nga gipagawas sa mga otoridad, diin mas ubos kini itandi sa unang nanggawas nga report nga dunay 90 ka biktima ang nakabsan sa kinabuhi.
Matud sa report, nahitabo ang trahedya niadtong milabayng Biyernes sa gabii sulod sa Liushenyu coal mine nga nahimutang ning maong dakbayan.
Gawas sa mga namatay, kapin sa 120 ka mga mamumuo ang daling gidala sa ospital tungod sa nahisgutan nga pagbusikad , samtang duha pa ka mga biktima ang padayong gipangita nga gituohang patay na usab sa pagkakaron.
Base sa impormasyon gikan sa mga opisyal, makaluluoy ug makalilisang ang sitwasyon sa dapit samtang padayon pang ginasusi ang mitsa sa maong insidente.