Gitabangan og batikos sa mga miyembro sa Senate minority bloc si Sen. Imee Marcos human kini nagpagawas og kontrobersyal nga video sulod sa plenaryo, diin gipakita ang giingong sekretong panagtigom kalabot sa Charter Change (Cha-cha) pinaagi sa Constitutional Assembly (ConAss) ug ang giingong planong pagbabag sa presidential bid ni Bise Presidente Sara Duterte sa 2028.
Nunot niini hugot nga gitawag ni Senador Juan Miguel Zubiri nga usa ka “propaganda” ug “unparliamentary” ang maong video tungod nagdala kini og intriga sulod sa senado
Samtang sa pikas bahin hingpit usab nga gihimakak ni Senate Minority Leader Vicente Sotto III ang kalambigitan niini sa maong tigom ug gipasabot nga wala kini giaprobahan o giuyunan nga bisan unsang lakang kalabot sa gitawag nga Charter Change.
Dungan nga mibarog silang Senador Francis Kiko Pangilinan aron ibutyag nga “fake news” ang maong hungihong ug walay luna sa plenaryo.
Dugang pa Sen. Erwin Tulfo “hao siao” o peke ang maong presentasyon ug gipahimangnuan ang mga kaubanan nga dili gamiton ang plenaryo alang sa ilang mga conspiracy theories.