All systems go” o andam na ang tanan alang sa kagamhanang lokal sa Agusan del Sur ug sa Department of Education (DepEd) Caraga alang sa pormal nga pagbubukas sa Palarong Pambansa 2026 didto sa Datu Lipus Makapandong Sports Complex sa Barangay Patin-ay, Prosperidad.
Gilauman nga dako ug engrande ang mahitabong seremonya nga tapuson pinaagi sa usa ka dakong opening show diin magpasundayag ang mga cheerleaders, hip-hop dancers, drum queens, ug mga dinapit nga inila nga mga performers. Matod sa organizers, gawas sa opisyal nga seremonya, aduna na pama’y mga dula nga una nang nagsugod pipila ka adlaw sa wala pa ang opening sama sa volleyball ug basketball.
Gipasalig sa lokal nga kagamhanan ug sa DepEd nga hapsay ug luwas ang maong nasodnong kalihokan sa paugnat sa kusog, diin liboan ka mga atleta ug delegado gikan sa nagkalain-laing rehiyon sa nasod ang magkauban aron magpapili sa mga medalya.
Kini nga video nagpakita sa mubo nga balita bahin sa pagpadayon sa Palarong Pambansa luyo sa mga hagit sa nasod: Palarong Pambansa 2026 sa Agusan Del Sur.