Gipahayag sa chief negotiator sa Iran nga si Mohammad Bagher Ghalibaf nga gusto sa United States nga pabalikon ang giyera sa Middle East. Kini human nagbahis si US President Donald Trump nga moatake pag-usab kon dili mosugot ang Tehran sa usa ka kasabutang pangkalinaw.
Matod ni Ghalibaf, ang mga lihok sa Amerika nagpakita nga wala pa niini gibiyaan ang ilang militaristang tinguha taliwala sa mga nasinati nga economic ug political pressure.
Isip tubag, nagpagawas usab og hulga ang Revolutionary Guards sa Iran diin sila nagkanayon nga kon masubli ang agresyon batok sa ilang nasod, ang giyera mokatap na sa unawas sa rehiyon ug makatagamtam ang ilang kaaway og mabuakong mga dako nga hampak.
Bisan pa man sa maong tensyon, nagpabilin ang ceasefire ug nagpadayon ang duha ka nasod sa paghimo og diplomatic exchanges pinaagi sa tabang sa Pakistan aron hingpit nga matapos ang panagbangi.